„Samskiptaþátturinn er bara númer 1, 2 og 60“. Upplifun stjórnenda á góðum leiðtoga

Markmið þessarar ritgerðar er að kanna hvað stjórnendur upplifa sem góða eiginleika hjá leiðtogum. Fyrst verður farið yfir leiðtogafræði og hvaða leiðtogastíl er hægt að nýta í ólíkum aðstæðum, ásamt tilfinningagreind og teymisvinnu. Ritgerðin skiptist upp í tvo hluta, fræðilegan og rannsóknarhluta. Verkefnið sjálft var framkvæmt með eigindlegri aðferð, þar sem þrjú hálfopin viðtöl voru tekin við stjórnendur hjá fyrirtækjum á Íslandi. Tvö af viðtölunum fóru fram á vinnustöðum viðmælenda og eitt heima hjá spyrjanda. Ritgerð þessi fjallar um upplifun þriggja stjórnenda á því hvað þeir telja að sé mikilvægt í fari leiðtoga. Helstu niðurstöður sýna að upplifun stjórnenda á árangursríkum leiðtoga væri að hann hefði mikla samskiptahæfni. Hann þyrfti að geta beitt mismunandi leiðtogaaðferðum í ólíkum aðstæðum svo sem að leyfa starfsfólki að koma með tillögur um lausnir og hugmyndir af verkefnum. Það bendir til þess að hægt sé að nota lýðræðislega leiðtogaaðferð auk þess að sýna starfsfólki umhyggju en samt sem áður að draga mörk um hvernig samskipti séu viðeigandi. Auk þess upplifðu stjórnendur að samskipti og virk hlustun væri mikilvæg